تعلیم آپشن نئیں لوڑھ اے، طلبہ تے فرض اے جو او ملکی مسلیان دا حل ڳولن، آرمی چیف جنرل سید عاصم منیر

اسلام آباد۔23اکتوبر(اے پی پی) آرمی چیف جنرل سید عاصم منیر آکھیے جو تعلیم آپشن نئیں لوڑھ اے، طلبہ تے فرض اے جو او ملکی مسلیان دا حل ڳولن۔ پاک فوج دے شعبہ تعلقات عامہ (آئی ایس پی آر) موجب چیف آف آرمی سٹاف جنرل سید عاصم منیر نسٹ دے سالانہ کانووکیشن اچ شرکت کیتی۔ چیئرمین نسٹ بورڈ آف گورنرز چیف آف آرمی سٹاف جنرل سید عاصم منیر کانووکیشن اچ مہمان خصوصی ہن۔ آرمی چیف سید عاصم منیر چنڳی کارکردگی ݙکھاوݨ آلے طالب علماں کوں اعزازات ݙتن۔ انہاں گریجویٹ طلبہ، والدین اتے اساتذہ کوں مبارک ݙتی۔ کانووکیشن ویک اچ بیچلرز، ماسٹرز اتے پی ایچ ڈی طالب علماں کوں ڈگریاں ݙتیاں ڳن۔ نسٹ دے 3500 طلبہ کوں 7 مختلف ڈسپلنز اچ ڈگریاں ملین۔ آرمی چیف اپݨے خطاب اچ آکھیا جو اڄ طلبہ دے ڄیوݨ اچ ہک نواں موڑ آندا پئے، تعلیم آپشن نئیں لوڑھ اے، طلبہ تے فرض اے جو او ملکی مسلیان دا حل ڳولن، طلبہ چیلنجز تے قابو پاوݨ کیتے فکری وسائل استعمال کرن۔ آرمی چیف سید عاصم منیر آکھیا جو اے ݙینھ تبدیلی توں ودھ ذمہ داری ݙکھاوݨ آلا اے۔

مضمون کا ماخذ : بفیلو بلٹز

متعلقہ مضامین