جنوبی پنجاب صوبے بارے تیکھے خوشخبری ملسی، عبدالعلیم خان دی پنجاب اسمبلی دے باہرو میڈیانال گالھ مہاڑ

لاہور۔15 نومبر(اے پی پی ) سینئر وزیر عبدالعلیم خان آکھیے جو نویں بلدیاتی نظام اچ بیاں تبدیلیاں، 25 ہزار دیہاتاں اچ ویلج کونسلزبنڑسن، عوام کوں تیکھے ریلیف ڈیسوں، انتقامی کارروائی دا واویلا بلاجوازاے،جنوبی پنجاب صوبے بارے تیکھے خوشخبری ملسی۔ اے گالھ انہاںپنجاب اسمبلی دے باہرو میڈیانال گالھ مہاڑاچ کیتی۔ انہاںا ٓکھیا جو پنجاب کیتے بلدیاتی نظام اچ وزیراعظم عمران خان دی ہدایت تے بیاں تبدیلیاں کیتان وینداں پین، ہنڑ پنجاب دے 25 ہزار دیہات اچ ویلج کونسلزبنڑسن جیندے تحت ہر وستی اچ بلاواسطہ طور تے فنڈز فراہم کیتے ویسن،جیندے نال صوبے اچ ترقی تھیندی پئی اے،اینجھا بلدیاتی نظام آندا پئے جیندے تے کہیں کوں اعتراض نہ ہوسی۔انہاں اعترا ف کیتے جو مہانگ اچ ودھارا ضرور تھئے بھل ایندی ذمہ وارپچھلی حکومت دی ناقص پالیسیاں اتے کارکردگی اے جیہڑے ملک اتے صوبے کوں کنگلا کر گین،اج شور کریندن بھل انہاں کوں یاد رکھنڑاں چاہیدے جو اے کیسز اج نئیں بنڑیے، انہاں دے آپنڑے دور اچ بنڑین۔

مضمون کا ماخذ : jogos de raspadinha

متعلقہ مضامین